Delhi Daredevils an chak ve ta

India Premier Lea­gue, season 8-ah Delhi Daredevils in chak hmel an hmu ve ta a, Nilaini zan khan Kings XI Punjab chu wicket nga in an hneh a ni.

Maharashtra Cricket Association Stadium, Pune-a inkhelah hian bat hmasa zawkah Punjab an ṭang a, over 20-ah run 165 vawchhuakin mi pasarih an hloh. Punjab tan veteran batsman Virender Sehwag-a che ṭha a, ball 41 a hmachhawnah run 47 a vawchhuak. Punjab batsman te'n Delhi bowler Imran Tahir an ngam lo a, South African bowler hian wicket thum a la a ni.

Delhi Daredevils in chak ngei tumin an target an um a, over 19.5-ah run 169 vawchhuakin mi panga chiah an hloh a,a chak zawkah an ṭang ta a ni. Delhi tan an player hlawhhnem Yuvraj Singh a che ṭha ve ta a, ball 39 a hmachhawnah run 55 a vawchhuak a ni. Delhi tan ball 48 a run 68 vawchhuaktu Mayank Agarwal-a'n a thawhhlawk hle bawk.

Zanin dar 8:00-ah Mumbai Indians leh Chennai Super Kings te an inkhel ve leh thung dawn a ni.