Dr TAo Football Champion lai Mizoram an inpeih

Mizoram Team jersey hak hi RIN RIN kutchhuak a ni a, fan-te tan pawh a lei theih a ni.

1st Row (L-R): Hriata, Fakzuala, Dinpuia (Physio), Patea (Manager), Zara (Coach), Samuel, Muanawma.

2nd Row (L-R) : Notea, Danmawia, Dawngtea, Mamawitea, Mawitea, Lawma, Ropuia, Mabiaa, Muansanga.

3rd Row (L-R) : Johny, Rinzuala, Zion, Nunmawia, Ben-a, Hruaia

Northeast-a football thiam ber zawnna, Dr TAo Northeast Cham­pionship chu April 20 aṭangin Guwahati leh Silchar-ah khelh ṭan a ni dawn.
Dinthar FC coach HC Zarzoliana kaihhruai Mizoram team hian April 15 khan groupstage khelhna tur Silchar an thleng der tawh a, nimin aṭang khan practice an ṭan nghal.
Mizoram hi Group 2-ah Manipur, Tripura leh Assam Blues te nen an awm ho a, Group 1-ah nikuma pahnihna Meghalaya, Assam, Sikkim leh Arunachal Pradesh te an awm. Mizoram hian April 21 khian an match hmasa berah Assam Blues an hmachhawn ang.
Mizoram coach Zara chuan, "Champion nawn kan tum a, chumi tur chuan theihtawp kan chhuah ang. Player-te fitness a ṭha a, bei­seina kan nei sang khawp mai," tiin a sawi.
Record nei ṭha chungchuang Zara kaihhruaina hnuaiah Mizoram hi Dr TAo Football-ah ṭum hnih an champion tawh. Kum 2012 khan T. Vanlalhluna nena enkawlin Sikkim-ah an champion a, kum 2014-ah H. Vanlalthlanga nena kaihruaiin Mizoram-ah an champion.

Mizoram Team chu
# Hming Club Veng/Khua
Goalkeeper
1 Lalmuanawma Dinthar FC Khawbung
2 Vanlalhriata Mizoram Police Aizawl Venglai
Defender
3 Benjamin Zothanmawia - Khatla
4 Lallawmzuala Mizoram Police Chaltlang
5 Lalrinzuala Dinthar FC Aizawl Venglai
6 Lalropuia Mizoram Police Dinthar
7 MS Dawngzela Dinthar FC Zawlnuam
8 TC Vanlalhruaia Mizoram Police Lunglei
Midfielder
9 Johny Lalfakzuala Dinthar FC Ramthar Veng
10 Lalfakzuala Mizoram Police Zawlnuam/Armed Veng
11 Lalmuansanga Dinthar FC West Phaileng
12 Lalnunmawia Dinthar FC Ramhlun South
13 Lalramtharmawia Mizoram Police Hualngohmun
14 Samuel Lalhruaitluanga Dinthar FC Ramhlun South
15 Vanlalbiaa Chanmari West FC Hriangtlang
16 Zion Lalramluaha Chanmari West FC Chanmari West
Forward
17 Lalnunmawia Mizoram Police Dinthar
18 MS Dawngliana - Bawngkawn
19 R. Laldanmawia Dinthar FC Sialhawk/Chanmari
20 Zico Zoremsanga Dinthar FC Ramhlun S/Khuangleng
Team Officials
Coach : HC Zarzoliana, Dinthar FC, Ramhlun South
Manager : Lalṭanpuia Hnamte, MFA Ex Com Member, Khatla South
Physio : Laldinpuia, Mizoram Police, Kulikawn