Lakers hmachhawn tur Miami Heat

Miami Heat chuan 2014 hnua a vawi khat nan NBA Finals an lut a, basketball thiam ber nihna hi Los Angeles Lakers nen an inchuh dawn. October 1, Ningani zingah game 1 an khel chhunzawm nghal ang.

Nimin zing khan Eastern Conference Finals game 6 khelh niin, inkhel hmuhnawm takah Heat hian Boston Celtics chu 125-113 in an hneh a, series chu 4-2 a lain conference champion an ni.

Heat tan hian Bam Adebayo-a'n point 32 bakah rebound vawi 14 lain playoff china a khelh ṭhat ber ṭum a tawng, hnehna an chan theih nana tha thawhhlawk ber a ni a, Lakers lakah pawh khelh ṭhat chhunzawm a tum ang.

Tuna Heat coach Erik Spoelstra hian 2012 leh 2013 khan a team hi hlawhtlinna a lo chanpui tawh, kuminah hian Lakers lakah rinkai lo zawk ni chungin an inlan dawn a, playoff an khelh dan thlir erawh chuan LeBron James leh a ṭhiante hneh thei turin theihna an nei. Chak lo Celtics erawh an vanduai, tun hnai season li chhunga a vawi thum nan Eastern Conference Finals-ah an chak lo.