Federer leh Wawrinka chak lo, Nadal chak thung

World number 2 Roger Federer leh champion lai Stan Wawrinka te chu Monte Carlo Masters third round-ah an khingpui ve ve hneh loin an tla.

Nikum final a Federer hneha champion zuita Warinka chu a khingpui Bulgarian World number 11 Grigor Dimitrov lakah 6-1, 6-2 in a tlawm a ni. Champion lai Wawrinka hi a chhe chhe hle a, set hnih an khelh chhung hian game thum chauh a la ve thei.

Seeded pahnihna Federer chu 6-4, 7-6 (7-5) in French World number 18 Gael Monfils lakah a tlawm bawk a ni. He tournament-ah hian Monfils hi seeded 14 na ani pha chauh nghe nghe.

Spanish Rafael Nadal chuan harsa takin American John Isner chu 7-6 (8-6), 4-6, 6-3 in a hneh hram. Nadal hian fouth round-ah a hnampui David Ferrer a hma­chhawn leh ang. Ferrer hian third round-ah a khingpui Gilles Simon chu 6-2, 6-7 (3-7), 6-1 in a hneh a ni.

Tun hnai Monte Carlo Masters champion te chu
2014: Stan Warinka (Swi) beat Roger Federer (Swi) 4-6 7-6 6-2
2013: Novak Djokovic (Ser) beat Rafael Nadal (Sp) 6-2 7-6
2012: Rafael Nadal (Sp) beat Novak Djokovic (Ser) 6-3 6-1
2011: Rafael Nadal (Sp) beat David Ferrer (Sp) 6-4 7-5
2010: Rafael Nadal (Sp) beat Fernando Verdasco (Sp) 6-0 6-1