Turkish Cup-ah Fenerbahce an chak

Fenerbahce chuanna bus an kah aṭanga ni 12 hnuah Turkish Cup khelh a ni a, Fenerbahce-in Ningani khan 4-1 in Mersin Idmanyurdu an hneh.

Turkish manager Ismail Kartal hnuaia khel Fenerbahce tan Dutch midfielder Dirk Kuyt-a'n goal hnih a khung a, Hasan-Ali Kaldirim leh Caner Erkin te'n goal khat ve ve an khung bawk. Fenerbahce hian semifinal-ah Bursaspor an hmachhawn ang.

Fenerbahce chuanna bus kah a nih avangin Turkish Super Lig pawh chawlh lai lawk a ni. Nimin aṭang khan league khelh chhunzawm a ni a, Fenerbahce hian Thawhṭanni khian Bursaspor an hmachhawn ang.