Terry tan England-ah hmun a awm tawh lo - Capello

England manager hlui Fabio Capello chuan Chelsea defender John Terry chu England team-ah a let theih a ring tawh lo.

February, 2012 khan John Terry chu captain aṭanga paihthlak a ni a, hemi hnu hian Italian manager Capello chuan manager hna a chawlhsan ve nghal. Chelsea captain Terry pawhin hemi kum September thla hnuah ram tan a la inlan leh lo.

Tun hnaiah Terry che ṭha mah se Capello chuan, "John Terry tan ram tana khelh lehna chance a awm tawh lo. Player naupang ṭha an chhuak zel a, ka hun laia ka hnuai bul ṭan (Chris) Smalling leh (Phil) Jones te tuna player pawimawh an ni hi ka lawm a. Tun hnaiah Ashley Young pawh a khel ṭha takzet," tiin a sawi.

Capello chuan Liverpool captain Steven Gerrard a chungchang sawi telin, "Steven Gerrard hian ka thinlungah hmun pawimawh tak a chang. Liverpool tana a khelh ṭhat bakah ram tan pawh a che ṭha a ni. Player ṭha tak tak USA lama an kal hi mak ka ti lo," tiin Liverpool captain season thara LA Galaxy zawm tur chu a dem lo.