Argentine Grand Prix an tlan dawn

Pathianni hian kumina a vawithumna atan bike intlansiak hmuhnawm hmuh tur a awm leh dawn a, Argentine Grand Prix chu Autodromo Termas de Rio Hondo tlankawngah an tlan leh dawn a ni. Hun rei tak chhung chu he hmunah hian intlansiak an lo ti tawp tawh a, nikum aṭang khan thar thawh lehin kuminah pawh an chhunzawm thei a ni.

Nikuma helai hmun intlan­siakah khan Honda rider Marc Marquez chu pakhatna a ni a, kuminah a ni leh thei ang ngem tih chu zawhna lian tak a ni. A chhan chu intlansiak pahnih an hmachhawn tawh aṭangin Marquez hi MotoGP World Championship-ah pathumna a ni pha chauh a, ani ai a tlan ṭha pahnih an la awm a, chu mi te chu Yamaha rider Valentino Rossi leh Ducati rider Andrea Dovizioso te an ni.

Kuminah hian kum dang angin rider tlan ṭha fal nghal bik an awm lo a, an inthlauhna ala zim rih hlawm hle. Championship-ah Rossi hian point 41 hmuin hma a hruai mek a, pahnihnaah Dovizioso awmin ani hian point khat chiahin Rossi hi a pha lo. Pathumnaah point 36 hmu mek tu Honda rider Marquez a awm mek a ni. Pathainni a an tlan ṭhat dan a zirin in lehpel nghal thei vek an la ni.