French Ligue 1-ah Goal-line technology hmang dawn

Season thar aṭangin French Ligue 1-ah goal-line technology hman ṭan a ni tawh dawn. Gol-line technology hi Premier League-ah hman a ni tawh a, nikum FIFA World Cup Brazil-ah pawh khan hman a lo ni tawh bawk a ni.

A goal ngei leh ngei loh enna khawl, camera hmanga ball in goal-line a pelh leh pelh loh enfiahna khawl hi German Bundesliga-ah leh Italian Serie A-ah pawh season thar aṭangin hman ṭan tum bawk a ni.

2014 world Cup-ah khan France leh Honduras inkhelh ṭum khan France striker Karim Benzema goal thun chu he khawl hmang hian enfiah a lo ni tawh.

Ligue de Football Professional (LFP) chuan thuchhuah siamin, "April 16. 2015 a LFP meeting chuan kum thar aṭangin French Ligue 1-ah goal-line technology hman turin thu a ti tlu a ni. Karleh aṭang hian a buaipui tur te nen inbiak na neih ṭan nghal tur a ni ang," tiin thuchhuah an siam a ni.