Jose Mourinho game plan-ah tu nge tel?

Manchester United chuan International Champions Cup khel turin China an tlawh dawn a, player 25 zing-ah Euro 2016-a inlan Zlatan Ibra-himovic, Morgan Schnei-derlin, Anthony Mar-tial, Marouane Fellaini leh Bastian Schweinsteiger te an tel lo.

Jose Mourinho hote hian Shanghai-ah Borussia Dortmund (22 July) an hmachhawn ang a, hemi zawh hian Beijing-ah Manchester City Beijing (25 July) an khelhpui leh dawn. Friendly match ni mah se Man-chester Derby-a Mourinho leh Pep Guardiola intawng tur hian ngaihven a hlawh a, Portuguese manager tan team thar din nan season inpuahchahna inkhelte hi a pawimawh hle.

Red Devils hian Gothen-burg, Sweden-ah Turkish club Galatasaray (30 July) nen friend-ly match an khel leh ang.

Wigan an hneh

Manchester United-in Jose Mourinho hnuaia an match hmasa berah Wigan Athletic chu DW Stadium-ah 2-0 in an hneh a, khami ṭuma tel James Wilson, Joel Pereira, Tyler Blackett leh Guillermo Varela te chu China-ah hruai tel an ni lo. United rawlthar-te hi Portuguese manager game plan-ah an tel lo niin a lang.

Basti hmalam?

Mourinho hian zin turin Euro 2016 leh Copa America-a inlan player pasarih David de Gea, Wayne Rooney, Chris Smalling, Marcus Rashford, Sergio Ro-mero, Marcos Rojo leh Paddy McNair te a ko. Portuguese mana-ger hian press conference hmasa berah, " Rooney, Rashford leh Smalling te an zin vek ang a, amaherawhchu inkhel turin ka dah lut ve lo ang," tiin a lo sawi tawh. Heng player-te hi an khel lo a nih pawhin United-ah hmalam an nei tih a chiang.

Portuguese manager hian midfield laiah Schneiderlin, Fellaini, Schweinsteiger, Juan Mata, Michael Carrick leh Ander Herrera te a nei nachungin pound maktaduai 100 bawr velin Paul Pogba lakluh an tum niin sawi a awm. Chumi awmzia chu a neih saah a duh khawp a la hmu lo tih a chiang a, chhuak awm ngei tura ngaih a ni.

Germany captain Basti hi chhuak tur zinga ngaih a ni a, Spain team-a tel pha lo Mata hi Mourinho-a'n Chelsea aṭanga a chhuahtir tawh avangin Spanish midfielder hmalam hi a chiang bik lo.

United Squad

Goalkeepers: David de Gea, Ser-gio Romero, Sam Johnstone

Defenders : Eric Bailly, Daley Blind, Timothy Fosu-Mensah, Phil Jones, Paddy McNair, Marcos Rojo, Luke Shaw, Chris Smalling, Axel Tuanzebe, Antonio Valencia

Midfielders : Michael Carrick, Ander Herrera, Adnan Januzaj, Jesse Lingard, Juan Mata, Memphis Depay, Henrikh Mkhitaryan, An-dreas Pereira, Ashley Young

Forwards : Will Keane, Marcus Rashford, Wayne Rooney