United-ah pathian ka ni dawn - Zlatan

Manchester United striker thar Zlatan Ibrahimovic chuan tun hnaia ṭawng-kam danglam tak hmanga Old Trafford-a lo lawmtu Eric Cantona chhangin Manchester United tan pathian ang mai a nih tur thu a sawi!

United legend Eric Cantona chuan amah ang thoa mahni induhtawk tak striker lawm nan hian, "United-ah chuan Lal pakhat chauh a awm a, chu chu keimah ka ni. Zlatan hian a duh a nih chuan 'Lal fapa' nihna erawh a nei thei ang a, no.7 pawh a duh phawt chuan a hak ka phalsak ang," tiin a lo sawi tawh a, hei hi Zlatan chuan a ngawih bo pui mai mai lo.

Swedish striker ropui chuan, "Eric-a thusawi kha ka lo hria a, ka player duhzawng tak a nih avangin a career ropui tak avangin ka lawmpui a ni. Mahse, a hriat tur erawh Manchester United-ah hian Lal ni tura lokal ka ni lo a, he hmunah hian pathian ni tura lokal ka ni," tiin Cantona a chhang a ni.