A hma aia ṭhain ka lo let ang - Cristiano Ronaldo

European Championship-a cham-pion Portugal captain Cristiano Ronal-do chuan instagram kal-tlangin amah ṭantute tana hriat nuam tak an rawn puang.

Kum 31-a upa Ro-naldo chuan, "In za vaiin chibai vek ule, min ṭawi-awmnaah ka lawm takzet a ni. Engkim a ṭha vek e, a hma aia ṭha zawkin ka rawn let ang. Viva Portugal," tiin a ziak. Real Madrid forward hi Euro 2016 final-a France nen an inhmachhawn ṭumin Dimitri Payet-a'n ball chhuhsak a tumnaah a khupah hliam a tuar a, minute 25 lekah lakchhuah ni mah se Eder-a goal hmangin Portugal an champion ta tho.

Spanish chanchinbu Marca in a tarlan dan chuan Ronaldo hi Ibiza-ah chawlh hmangin a awm mek a, a khup hliam vang hian UEFA Su-per Cup-ah Sevilla a hmachhawn thei dawn lo a, La Liga match hmasa pahniha Real Madrid-in Real Sociedad leh Celta Vigo an hmachhawn hunah chhawr theih a la ni dawn lo bawk.

Ronaldo hian season liam ta khan La Liga-ah match 36 khelin goal 35 a khung bakah assists vawi 11 a nei bawk. UEFA Cham--pions League-ah match 11 khelin goal 16 khungin assists vawi li a nei a, Por-tugal captain hian season ṭha tak a hman avangin Ballon d'Or leh Best Player in Europe Award dawng tura rinkai a ni.