Rajasthan Royals an chak

Pathianni zan Indian Premier League inkhelah Rajasthan Royals-in Kings XI Punjab wicket liin an hneh. Punjab hian bat hmasain run 223/2 an siam a, Rajasthan hian ball thum chiah a awm tihin an target um phain run 226/6 an siam.

Kings XI tan opener pahnih KL Rahul leh Mayank Agarwal te an che ṭha a, run 69 leh run 106 an siam. Punjab hian run 223 zet an siam avangin chak turin an dinhmun a ṭha hle. Rajasthan Royals tan Sanju Samson-a'n ball 42 lekah run 85 a vaw chhuak a, captain Steve Smith (50) leh Rahul Tewatia (53) ten half century siam turin ball an hman tlem bawk avangin over 19.3-ah target an um pha.

Zanin dar 7:30 hian Delhi Capitals leh Surisers Hyderabad te an inkhel ang. Delhi leh Rajasthan te hi vawi hnih an khelh tawhah an la chak ve ve.