Enrique contract kan zawrh dawn - Mestre

Barcelona vice-presi-dent Jordi Mestre chuan an manager Luis Enrique chu hun rei zawk cham tura contract an zawrh tur thu a sawi chhuak.

Spanish manager Enrique hian Nou Camp-ah kum hnih chhung hun hmang tawhin a season hmasa zawkah treble champion a nihpui a, season hmasa khan La Liga leh Copa del Rey-ah an champion bawk - season thar tawp rual hian Catalan club-a a contract neih lai hi a tawp dawn.

Mestre chuan, "Kan hmanhmawh chuk chuk hran lo a, mah se contract kan zawrh ang tih erawh ka chiang. A lakah player-ten rinna an nghah ngam bakah an hlim a, nomawi kan chawi bawk. Kan duh ber chu Luis Enrique a ni a, pahnihna leh pathumna pawh amah tho hi a ni," tiin a sawi.

Tun thlatir lam khan Barcelona president Josep Maria Bartomeu chuan an manager contract thar chungchangah inbiakna an la neih loh thu sawi mah se boruak dang an nei thut a nih loh chuan Enrique hi an chelh ngeiin a rinawm.