Swansea-ah keeper thar a lut

Premier League club Swansea City chuan Aus-tralian goalkeeper Mark Birighitti chu a thlawnin an lalut a, kum hnih chhung an hnena cham turin contract an ziahpui.

Kum 25-a upa keeper hian Australia A-League club Newcastle Jets a-
ṭang-in Welsh club hi a zawm a, Jets tan hian sea-son hman zawh takah khan a khelh ṭhat em avangin A-League 2015-16 team of the season-ah a lang phak hial.

Birighitti hian Serie B club Varese tan loan-in a lo khel tawh ṭhin a, Italian club tan a khelh lai hian tuna Swansea assistant Gabriele Ambrosetti en-kawlna hnuaiah khelin Chelsea midfielder hlui hi Swansea-a pan chhanah ngaih a ni.

Swansea hian keeper pathum Lukasz Fabianski, Kristoffer Nordfeldt leh Gerhard Tremmel te an nei sa a, Welsh club tan number 1 nih inchuhin keeper pali hi an inel ang.