Man City-in Dias la dawn

Manchester City chu defender Ruben Dias man chungchangah Benfica nen pound maktaduai 65-in an inrem. English club tana khel mek Nicolas Otamendi chu Portuguese club lamah a kal thung ang a, transfer hran hlak a ni dawn. Argentine defender hi pound maktaduai 13.7 vel a ni ang.

Pep Guardiola chuan nikum nipuia Vincent Kompany a chawlh hnuah centre back ding lama khel thei a zawng a, Portugal tana vawi 19 khel tawh Dias lakah lungawina a hmu a, Etihad Stadium-ah a senglut dawn.

Kum 23 mi Dias hi Benfica captain a ni a, Inrinni khan Moreirense hnehin inkhelh banah a khelhpuite leh sporting director Rui Costa te a mangṭha. Benfica tan hian Dias hi vawi 133 a inlan a, goal 12 a khung bawk.

Man City hian Leicester City lakah goal nga an chhuah a, Dias hi rang taka tlarhnung siam ṭhat theihna tura ngaih a ni. English club hian Napoli defender Kalidou Koulibaly lak an tum a, amaherawhchu Italian club hian pound maktaduai 80 an chhiar avangin Man City hian player dang an melh phah ta a ni.