Kurt Zouma a dam ta

Chelsea defender Kurt Zouma chuan Thawh-ṭanni khan team training a zawm ve leh ta. France international hi February thlaa Manchester United nen 1-1 a an inhnehtawk ṭuma inhliam niin hemi hnuah a la inkhel leh lo.

Kum 21-a upa chauh la ni mah se Zouma hian tharum a ngah bakah a fing bawk a, season hmasa khan a inhliam hma chuan Blues tlarhnungah rinrawl a ni hman. Mahse, hliam na tak a tawh avangin Euro 2016-ah khan France tan a inlan ve thei lo a ni.

Blues striker thar Michy Batshuayi pawhin coach thar Antonio Conte hmin tumin chawlh titawiin Pathianni khan squad a zawm. Season thar inbuatsaih nan Chel-sea hian Nilaini zan khian Austrian club Wolfsberger AC an hma-chhawn ang a, hemi zawh hian United States panin Liverpool, Real Madrid leh AC Milan te nen an inkhel leh bawk ang.