Burnley-in Iceland star an lalut

Euro 2016-ah Iceland-in khawvel bara-khaihin quarterfinal an thleng a, match zawng zawnga starting eleven chang vek Johann Berg Gudmundsson chuan season tharah Premier League a khel dawn.

Burnley FC chuan Charlton Athle-tic aṭangin Icelandic winger an lalut a, Gudmundsson hian kum thum atan contract ziakin a man zat hi puanzar nichiah lo mah se pound maktaduai 2.5 bawr vela ngaih a ni. Season liam ta khan Gud-mundsson hian assists vawi 11 a nei a, Championship-ah amah tluk pha chu Brentford midfielder Alan Judge chiah a awm.

Clarets (Burnley sawina) manager Sean Dyche chuan, "Nikum khan Charlton-in hun harsa tak an tawng a, chumi karah chuan Johann hian kan mit tlung turin a khelṭha a, a theihna hi kan duhzawng tak a ni," tiin an player thar chungchang a sawi. Season liam ta khan Charlton hi team 24 awmna Championship-ah 22-naah awmin League One-ah an relegate.

Kum 25-a upa Gudmundsson hian Iceland tan match 52 khel tawhin goal nga a khung tawh a, Charlton Athletic tana a khelh hma hian Dtuch club AZ Alkmaar leh Icelandic club Breidablik UBK tan a khel tawh.