Tun season chhung inkhel lo tur Woods

Tiger Woods chu July 28 aṭanga khelh ṭan tur PGA Championship a-
ṭang-in a inhnukdawk leh ta, major title 14 la tawh Woods hian kuminah major tournament pali a khel thei dawn lo vek tihna a ni.

Kum 40-a upa Woods hian a hnungzâng na vangin buaina a tawk fo a, kum khat dawn chu a inkhel mumal tawh lo. Nikum favang lai khan ṭum hnih zai niin tun thlengin a la buai chhun-zawm. Nikum August thla hnuah tourna-ment lian tham a la khel leh lo.

American star Woods-a agent chuan a palyer chu inkhel thei a la nih loh thu a sawi a, "Competitive golf khel thei a la ni lo. Tun season chu kan chawl tluan dawn ta tihna a ni a, zawi muangin season thar atan kan inbuatsaih ang," a ti.

World number 1 hlui hi a inkhelh loh rei tawh em avangin tun dinhmunah chuan number 628-ah a tla hniam tawh a, season tharah a lo kir leh thei ngei se tih chu golf ngainatute duhthusam a ni.