Le Guen-a'n Nigeria a hnar

21st July, 2016

Nigerian Football Federation (NFF) chuan Thawhṭanni khan Paul Le Guen chu an technical advisor thar a nih thu an puang - mah se NFF chuan Paris Saint-Germain boss hlui hian a hna hi a hnar thu Thawhlehni khan an tarlang zui leh nghal.

NFF Media and Publicity Committee chairman Suleiman Yahaya-Kwande chuan, "Paul Le Guen kha kan ram enkawl tura kan duh leh remchang chu a ni ngei a. Mahse, Nigeria a chen a duh lo," tiin French Ligue 1-a Lyon vawi thum champion pui tawhtu chuan African khawmualpuia chen a duh loh thu a sawi.

Nigeria hi 2017 Africa Cup of Nations khel turin an inpet kai zo lo a, hmasawn an mamawh. Tuna an hmachhawp hmasa chu 2018 World Cup khel thei tura inbuatsaih a ni a, Group B-ah Algeria, Cameroon leh Zambia te nen an inel dawn a ni.