Shobukhova-i a lawmman dahlet turin an ti

London Marathon buat-saihtute chuan kum 2010-a pa-khatna Russian long distance runner Liliya Shobukhova chu a lawmman dawn £377,000 (Rs. 3,31,92,660) pe let turin an ti.

Kum 38-a upa Shobu-khova-i hian 2010 khan Lon-don Marathon-ah pakhatna dinhmun luahin 2011 khan pahnihna a ni zui bawk, hemi hnu hian damdawi hman phal loh a hmang tih hmuhchhuah a nih avangin kum thum leh thla hnih chhung hrem zui a ni.

London Marathon Events Ltd. chief Nick Bitel chuan, "Inbumna hian hlawkna a nei tur a ni lo. Thil harsa leh buaithlak tak ni mah se hetianga kan tih hi a ṭul," tiin lawmman dahlet tura an tih chungchang a sawi.

Shobukhova-i pakhatna nihna an hlihsak takah chuan Ethiopian long distance run-ner Aselefech Mergia chu pakhatna a puan a ni.

World Anti-Doping Agency hmalaknain Shobukhova hrem-na hi thla sarih chhung tih tawi sak ni leh hnuhnawh mah se Lon-don Marathon leh marathon in-thlansiak lian dang pangaah a damchhunga tel an phal tawh lo.