Norwich-ah Northern Ireland keeper

Premier League aṭanga Championship lama tla hlim Norwich City chuan Northern Ireland goalkeeper Michael McGovern chu a thlawnin an lalut a, season thum chhung an hnena khel turin contract an ziahpui.

Kum 32-a upa keeper hian Scottish Premier-ship club Hamilton Aca-demicals chu a contract zawh tawh avangin nipui transfer bazar inhawn rualin a chhuahsan a, Scottish club-a amah enkawl
ṭhintu Canaries boss Alex Neil nen Carrow Road-ah an inhrawn leh dawn tihna a ni.

Euro 2016-a Northern Ireland tana inlan kim vek McGovern chuan, "Hmun dang aṭang pawhin min duhtu an awm a, mah se Norwich-a Alex Neil nena thawhdunna hun ṭha hi ka hnar phal lo a ni," tiin Championship club a zawm chhan a sawi.

Northern Ireland tana vawi 15 inlan tawh keeper hian a career hun chhungin Scottish club-ah hlir a khel a, Stranraer, Dundee United, Falkirk leh Ross County-ah te an si ban nghaktu a lo ni tawh ṭhin.