Wenger leh Capello inhmachhawn dawn

Football manager mahni thu duh leh inring tawk tak pahnih Arsene Wenger leh Fabio Capello te chu September 3 khian Emi-ra-tes Stadium-ah an inhmachhawn dawn.

Gunners manager hian Arsenal Le-gends' team a enkawl ang a, Italian ma-na-ger hian Milan Glorie enkawlin team pahnihte hian charity match an khel dawn a, ticket man aṭanga an sum hmuhte chu Arsenal Foundation tan an hlan ang.

French manager hian tun hma lama a lo enkawl tawh ṭhin Thierry Henry, Robert Pires leh Dennis Bergkamp te a kaihruai leh dawn a, AC Milan player leh manager hlui ni bawk Capello team-ah hian Paolo Maldini, Franco Baresi, Christian Vieri, Hernan Crespo leh Gennaro Gattuso te an awm dawn bawk avangin an vanglai hre phak tan chuan en a chakawm khawp ang.

Gunners manager chuan a lunglen-thlak thu sawiin, "Milan aṭanga thu ka dawn danin inbuatsaihna an nei ṭan tawh a, keini lam pawhin ticket 40,000 kan hralh zawh der tawh avangin inkhel nghahlelhawm a ni. Player ropuite kan hmu khawm thei tur hi kan tan chuan hun ṭha a ni a, a lunglenthlak zawng pawhin a ngaihtuah theih," a ti. Wenger hian Arsenal fan-te tan tunhma lama club lo ti hmingṭha tawh tute hmuh leh theihna hun a nih avangin a hlut thu a sawi bawk.