UEFA hotupa nih tum Spanish FA president

Spanish Football Federa-tion president Angel Maria Villar chuan Europe-a football thuneitu sang ber UEFA presi-dent ni tura chuh a tum thu a sawi.

UEFA president Michel Pla-tini chuan May thla khan FIFA president hlui Sepp Blatter nen pound maktaduai 1.3 tichingpena puh an nihnaah a fihlim theih loh avangin banna a thehlut a ni.

Villar hian tun dinhmunah UEFA president hna hi a chelh lailawk hrim hrim a, president nghet ni tura a chuh tur thu a puan takah chuan Slovenian football association boss Aleksander Ceferin leh Dutch football chief Michael van Praag-te nen September 14-ah UEFA hotupa nih hi an inchuh ang.

Kum 66-a upa Villar hi November, 2015 khan FIFA chuan Russia leh Qatar World Cup thlen dan an chhui dan chung-changah hnathawh pui
ṭha tawk loah puhin £19,300 (Rs 17,05,169.54) an lo chawitir tawh.

Player a nih laia Athletic Bilbao tana khel ṭhin Villar hian Spain tan match 22 lai a lo khel ve tawh a, kum 1988 khan Spanish Football Federation president hna chelh ṭanin FIFA vice president a ni mek bawk.