Barca leh Qatar Airways-in inremna pawtsei

La Liga champion Barce-lona leh Qatar Airways te chuan kum khat chhung atan inremna an ziak thar leh ta. Khaw-vela airlines ṭhang duang ber pawl hian kum 2017 June thla thleng Catalan club an sponsor dawn tihna a ni.

Kum 2013 khan Qatar Airways hian Nou Camp-ah hmun an khuar ṭan a, kum thum chhung Barcelona jersey hma a an hming an ziah manah hian kum khatah euro maktaduai 29.40 zel an chawi dawn.

Barcelona chanchinbu Diario Sport chuan season thar zawh hunah chuan Catalan Club hian American e-commerce giant Amazon nen inremna an siam dawn niin a sawi a, kum khatah euro maktaduai 45 hu daih a ni ang.

Barcelona's vice-presi-dent of marketing and communi^-cation Manel Arroyo chuan, "Qatar Airways hian tun hnaiah Barceloan tan danglamna leh hmasawnna an thlen a, anni nena inremna kan siam leh thei hi kan lawm hle," a ti.

Qatar Airways Group Chief Executive Akbar Al Baker pawhin inremna an nei leh ta chu a lawm thu sawiin, "Kum thum liam ta khan a vawi khat nan sport-ah hnuhma liantham kan siam a, kan inchhir lo. Inremna kan siam leh thei hi kan lawm a, season duhawm tak kan hman leh ngei kan beisei," tiin Champions League nomawi vawi nga chawi tawh club nen an inremna chungchang a sawi.