Demba Ba a chawl dawn lo

Shanghai Shenhua striker Demba Ba chuan inkhel tura lo kir leh ngei a tum thu a sawi.

Senegal international hi Shanghai Derby-a Shanghai SIPG nen an inhmachhawn ṭumin ball an inchuhna lamah a ngal ruh a tliak a, in-khelh zawhah coach Gre-gorio Manzano chuan a striker chuan inkhelh a chawlhsan hial a ngai mai thei niin a sawi a ni.

Mahse, kum 31-a upa striker chuan, "Hliam na tak a ni a, mah se ka hneh thei ang. Inkhelh chawlhsan mai ka la tum lo tih hi chiang takin ka sawi duh a ni," tiin chawlh lamin a rilru an la luah lo.

West Ham, Newcastle leh Chelsea tan pawha lo khel tawh ṭhin striker chuan, "China-ah chuan November-ah season a tawp ṭhin a, March-ah season thar an ṭan leh ṭhin thung. Season thara lo kir leh ngei turin ka theihtawp ka chhuah ang," tiin a sawi.

Ba hian nikum July khan Turkish club Besiktas aṭangin Shenhua hi pound maktaduai 12 bawr velin a zawm a, tun season Chinese Super League khelh mekah match 18 inlana goal 14 khungin top scorer a ni mek.