Reds-ah defender thar Klavan

Liverpool chuan Ger-man club Augsburg aṭangin pound maktaduai 4.2 man Ragnar Klavan an lalut a, kum 30-a upa defender hian Anfield-a season thum cham turin contract a ziak.

Estonia captain hian ram tan match 112 a khel tawh a, kum 2012-a Dutch club AZ Alkmaar aṭanga Augsburg a pan hnuah Bundesliga club tan hian inelna hrang hrangah match 140 inlanin goal li a khung sak a ni.

Liverpool hian cen-tre-back pahnih Kolo Toure leh Martin Skrtel an chhuahtir tawh a, Mamadou Sakho chu ke hliam vangin season
tirah a inlan thei dawn lo bawk a, Jurgen Klopp-a tan Klavan hi mamawh chhanna a ni thei ang.

Jurgen Klopp-a'n nipui bazar-ah Mainz goalkeeper Loris Karius, Schalke centre-back Joel Matip leh Southampton forward Sadio Mane-te a lo lalut tawh bawk a ni.