Blues chhuahsan lo tur Costa

Chelsea manager thar Antonio Conte chuan tun hnaia chhuak tur anga sawi striker Diego Costa chuan Stamford Bridge-a chhuahsan loh tur thu a sawi.

Italy boss hlui chuan kum 27-a upa striker chungchang hi sawiin, "Diego hi kan hnenah a cham ang. A thawkrim em em a, a ṭhiante leh kei min thawhpui pawh nuam a ti em em a ni," tiin chhuahtir a tum loh hmel hle.

Conte chuan sawi chhunzawmin, "Costa hi player danglam bik a ni a, kan player pawimawh tak a nih avangin kan inkarah buaina a awm lo. Khawvela striker ṭha ber pawl a ni a, ka ruahmannate a hriatthiam hunah chuan goal tam tak a la khung ang," a ti.

Costa hian kum 2014 khan Atletico Madrid aṭangin Chelsea hi a zawm a, Blues tan match 77 inlan tawhin goal 36 a khung. Chelsea-in pound maktaduai 33 man Michy Batshuayi an lakluh avangin a club hlui Atletico lamah kir leh tur angin thuthang a awm a ni.