Aizawl District pawnah coach education programme

Mizoram Football Association chuan tun season chhungin Aizawl bakah Lung-lei, Champhai leh Siaha-ah coach education programme a buatsaih dawn.

July 20-a MFA executive commit-tee meeting chuan coach lama Mizo-ram hma-sawn dan tur a rel rualin tualchhunga football ṭhan zel dan tur an rel tel bawk. Thurel dangte chu :

1. Independence Day Celebra-tion Football Tourna-ment, July 25 atanga neih tur chu ṭha taka thlen a nih theih nan inbuatsaihnate an thlirho. He tournament khel tura sawm AIFF Under 19 team chu Rajiv Gandhi Stadium, Mualpuiah riahtir an ni dawn a, an thlenna tur khum leh thil dang MFA in ngaihtuahin ei leh in tur a buatsaih sak dawn a, India Junior team-te hi ṭha taka thlen a nih theih dan tur sawiho a ni. Shillong Lajong FC an lo zin thei tur pawh lawm-awm an ti bawk.

2. Grassroots football chak zawka kalpui dan tura rua-hmanna thlirho a ni a, SSA nena thawhhona ṭha zawka kalpui dan tur sawiho a nih bakah kum lama naupang zawkte tana inelna tam zawk buatsaih tum dan turte ngaihtuah a ni.

3. MFA Ground, Sairang Dinthara mi chu MFA pawisa neih ang anga a chei hna thawh ṭan tum a ni. A hmunhma chei ṭhat a nih hnuah FIFA lamin he khelmualah hian artificial grass an phah dawn a, kum 2017 kum tir lama phah zawh theih beisei a ni.

4. MFA Technical Com-mi-ttee rawtna angin tour-nament-te kimchang leh uluk zawka ziah luh a, inkhel kal^-phungte chhinchhiah fel dan tur chu pawm a ni. Hei bakah hian Mizorama football academy din ṭhinten tehna leh kaihhruaina mumal zawk an neih theihna tura ruahmanna siam chu pawm a ni a, MFA in a pawmpui/hriatpui (recog-nised) football academy ni tura tih/neih ngaite duan fel a ni.

5. Tun hnaia Referee De-velopment Course neih leh referee fitness test neihte chu lawmawm an ti a, referee ṭha zawk chher chhuak tura ṭan lak chhoh zel tum a ni.