LIVERPOOL TAN GRUJIC

Liverpool tan Serbian rawlthar duhawm Marko Grujic-a'n a theihna a pholan chhunzawm zel a, Nilaini khan pre-season friendly match-a Huddersfield 2-0 a an hnehna inkhelah goal a khung leh ta. Reds tana a season hmasa ber hmang tura inbuatsaih Grujic tan pre-season-a a goal hnihna a ni. Reds tan Alberto Moreno chuan goal khat dang khungin Sadio Mane goal erawh pawm sak a ni lo. Second half-ah Lucas Leiva chu hliam vangin a khel zui thei lo a, Jurgen Klopp-a'n outfield player-te a luhtir vek tawh avangin kum 18-a upa goalkeeper Shamal George chu striker-ah khelhtir a ni. Liverpool squad-ah hian Jon Flanagan a tel lo a, Reds tan January-a kum thum daih contract thar ziaktu hi Burnley leh Celtic chuan loan-a hawh theih an inbeisei mek.