Wales-in Cardiff Stadium hmang zel dawn

Football Association of Wales chuan 2018 World Cup qualifiers khelh nan Cardiff City Stadium an hman tur thu an ti chiang.

Manager Chris Coleman kaih-hruaina hnuaiah Wales hian Euro 2016 qualifiers khelh nan khan Cardiff City Stadium hi an lo hmang tawh a, kum 1958 hnua a vawi khat nan major tournament khel turin an inpet tling.

FAW chief executive Jonathan Ford chuan mipui 72,500 lenna Principality Stadium chu World Cup qualifiers khelh nan a hman theih a nih thu sawi mah se mipui 33,000 lenna Cardiff City Stadium hi an match hmasa pathuma Moldova, Georgia leh Serbia te lo mikhual nan chuan an thlang ta zawk a ni.

Euro 2016 semifinalist Wales hian 2018 World Cup qualifiers-a an match hmasa ber atan September 5 khian Moldova an hmachhawn anga, Georgia (9 October) leh Srebia (12 November) in a chhunzawm ang.

FWA chuan nakkuma Austria leh Republic of Ireland an lo mi-khualna tur hmun erawh an la thlang fel rih lo thung.