Dawson a inhliam

Premier League khel tur Hull City chu hliam vanga an buainain a la kian-san thei lo. Captain Mi-chael Dawson chu a khup na vangin thla thum chhung a inkhel thei dawn lo.

Defender rinrawl Daw--son hi Thawhlehnia Mans-field nen pre-season friendly match an khelh
ṭumin a inhliam. Season thar ṭan nan thla khat pawh a awm tling tawh lo a, tun dinhmunah Tigers hian goalkeeper tel loin senior player chhawr theih 13 chiah an nei.

Thawhṭanni khan de-fender Moses Odubajo chu thla ruk chhung atan a chawlh tur thu an lo sawi tawh a, tun thla tir khan goalkeeper Allan Mc Gregor leh defender Alex Bruce te chu thla li aṭanga thla ruk chhung chawl turin an lo inhliam tawh bawk.

Hull hian an league match hmasa berah hna hau-tak an hmachhawn nghal dawn - August 13 khian champion lai Leicester City nen an intawng ang.