Heaton-a'n contract thar a ziak

Burnley goalkeeper leh captain ni bawk Tom Heaton chuan Premier League kai thar club tan kum li daih contract thar a ziak.

Kum 30-a upa Hea-ton hian Bristol City chhuahsanin 2013 season khan Turf Moor hi a pan a, match 130 khel tawhin season thum chhung an club tan hian league match zawng zawngah inkhel bul a ṭan kim vek nghe nghe - season hmasa a Cham-pionship aṭanga Premier League an kai theih nana player pawimawh a ni.

Kumin May thla khan England tan a vawi khat nan inlanin Australia a hmachhawn ve, Euro 2016 squad-ah khan telh ni ve mah se a inlan lo thung.

Manchester United a professional career bul
ṭantu Heaton chuan, "Kum li dang cham chhunzawm tura contract ka ziak hi ka lawm. Kum dang zawng aiin season thar lo awm tur hi a nghahhlelhawm a, inkhel bul ṭantu zinga tel chhunzawm zel tur chuan theih tawp ka chhuah reng a ṭul dawn," tiin a sawi.