Van Persie a chhuak lo ang - Fenerbahce

Turkey club Fenerbahce chuan an striker Robin van Persie a chhuak dawn tih thuthang leng vel chu thu belhchian dawl lo a nih thu a sawi chhuak.

Arsenal leh Manchester United striker hlui hi season tharah Pre-mier League-ah a kir leh dawn nia sawi a ni a, amah ngaihventu langsar ber chu Stoke City an ni.

Fenerbahce chuan thla leh maia kum 33 tling tawh tur Van Persie-a'n Istanbul a chhuahsan loh tur thu sawiin, "Tun hnaiah Robin van Persie-a'n Fenerbahce a chhuhsan dawn tih thuthang a awm nasa hle. Player agent nen in-biakna neih a nih hnuah club dang zawm tumna a awm lo," an ti.

Nikum khan Van Persie hian United chhuahsanin Fenerbahce hi a zawm a, match 31 a khelh aṭanga goal 16 khungin a club hi Super Lig-ah pahnihna a nihpui.