Juve player thar Marko Pjaca

Serie A champion Juventus chuan Marko Pjaca chu pound maktaduai 19.5 in an lalut. Dinamo Zagreb winger hian Turin-ah kum nga cham turin contract hi a ziak.

Kum 21-a upa Pjaca hi Euro 2016-ah khan Croatia tan a inlan a, Europe-a player beiseiawm berte zinga mi niin Serie A club tho Inter leh AC Milan te pawhin lakluh an duh nia sawi ni mah se champion team-in an chang ta zawk.

Italian champion chuan thuchhuah siamin, "Juventus chuan Dinamo Zagreb aṭangin Marko Pjaca kan lalut fel ta a, a man zat hi pound maktaduai 19.5 niin kum hnih chhunga pek tlak tur a ni ang. Kum 21-a upa hian kum nga daih contract a ziak," an ti.

Pjaca hian season hnih chhung Dina-mo Zagreb tan khelin match 60 a inlan
aṭangin goal 19 a khung a, league title leh Croatian Football Cup te a lakpui.

Tun nipui transfer chhungin Massimi-liano Allegri a buai hle a, Pjaca hma hian Miralem Pjanic, Medhi Benatia leh Dani Alves te chu Juventus Stadium-ah a lo lalut tawh. Napoli aṭangin striker Gonzalo Higuain beisei mah se an la hlawhlting lo - Manchester United chuan an midfielder pawimawh Paul Pogba an chhuhsak ngei dawn niin a lang thung.