Watford-ah defender thar a lut

Premier League club Watford chuan Marseille wing-back Brice Dja Djedje chu season li chhung an hnena khel turin an lalut a, a man zat puanzar ni lo mah se pound maktaduai 4 bawr vel ni tura ngaih a ni.

Kum 25-a upa defender hi Ivory Coast tan vawi sarih a inlan tawh a, January 2014-a Marseille a zawm hnuah Ligue 1 club tan hian match 70 a inlan tawh bawk.

Djedje hian Watford zawm tur hian Germany lam aṭanga sawmna a hmuh pawh a hnar nia sawi a ni a, nipui bazar-a Watford player pangana niin Jerome Sinclair, Christian Kabasele, Isaac Success leh Juan Camilo Zuniga te chuan Premier League club hi an lo zawm tawh.