Beisei ngam loh ka thleng - Hamilton

Lewis Hamilton chuan Formula 1 champion tuma a teammate Nico Rosberg nen an inel leh ta mai chu beisei ngam tawh loh hnua rawn thleng dik leh a nih thu a sawi.

Tun season intlansiak hmasa paliah Mercedes driver Rosbers hian pakhat-na a hauh vek a, world cham-pion Hamilton lakah point 43 zetin a sang fal hman. Mahse, British driver Hamilton a zam lo - Monaco, Canadian, Austrian leh British Grand Prix-ah te hnehna changin an inthlauhna chu point khat chiah a ni leh tawh!

Tun hnai intlansiak panga a vawi li chak thei Hamilton chuan, "Kan inthlauhna kha a zau hman em avangin champion tura inel leh kha ka tan chuan tih theih tawh loh ang hial a ngaih a ni. Mahse, ka hnungtawlh ngai lo a, hmalam ka en ṭhin. Mite leh keimah ngeiin a theih tawh loha ka ngaih kha tunah chuan ka hlenchhuak leh ta," tiin a champion nomawi humhim tura a phur thar thu a sawi.

Championship-a hma-hruaitu Rosberg hian ni-min khan Mercedes-ah con-tract thar a ziak a, season hnih chhung chu pahnihna dinhmun luah mah se kumin-ah pakhatna nih inbeiseina a nei lian hle. Hamilton nen hian season hnih lo awm leh tur chhung Mercedes car an khalh dun ang.

Pathianni hian Hunga-rian Grand Prix an tlan dawn a, hei bakah hian intlansiak dang 10 an neih chhunzawm leh ang. Kum 1986
aṭanga tlan ṭan tawh HungarianGP hi a ṭum 30-na tur ni chiahin vawi nga hnehna chang tawh Michael Schumacher leh Hamilton te hi record nei ṭha ber an ni.