Chinese sumdawng hausa kutah Wolves

Championship club Wolves chu Chinese company Fosun International kutah a awm tawh dawn. Fosun hian Wolves neitu nilai Steve Morgan hnen aṭangin English club hi pound maktaduai 45-in an lei a, club neitu nihna 100% an nei ang.

Liverpool fan ruhkawl Steve Morgan chuan, "Wolves leitute hian kum hnih chhungin he club tan hian pound maktaduai 20-30 inkar hman min tiam a ni," tiin September, 2015-a a lo zawrh tawh a club chu Chinese sumdawng hnena a hralh chhan a sawi.

Fosun international hi Chinese sum-dawng hausa tawntaw Guo Guang-chang chairman-na hnuaiah kalin khawvela company langsar tak taka neitu nihna an nei nual a, club thar an neihna ram UK company zingah Thomas Cook-ah share an nei.

Chinese sumdawng hausa Dr Tony Xia chuan Championship lama tla hlim Aston Villa chu a lo lei tawh a, Fosun international hi Chinese sumdawng zinga Championship club neitu pahnihna an ni dawn tihna a ni.