Lazio: Serie A 1914-15 champion?

Tun hnaia Lazio fan-te ngenna avangin Italian Football Federation (FIGC) chuan 1914-15 season champion ennawn turin committe a din a, Lazio chu 1914-15 champion a puan an ni mai thei.

Kum 1914-15 season-ah hian Lazio leh Genoa chu season tawp final-a Serie A champion nomawi inchuh tur an ni a, mah se Indopui pakhatna a chhuah tak avangin he inkhel hi neih a ni lo.

Genoa chu kum 1919-ah khan champion-ah puan an ni a, mah se a match ber khelh a nih miau loh avangin Lazio fan-te chuan tun hnaiah champion dinhmun hi Genoa nen an luah dun theih nan Italian FA lamah ngenna an thlen a ni.

Lazio president Claudio Lotito chuan, "Scudetto (Serie A nomawi) kha kan ta a ni a, Indopui vang chauha chawi lo kan ni," tiin an dinhmun a sawi.

Italian media-te chuan final khel siloa Genoa hnena nomawi hlan chhan hi a hunlaia Lazio aia Genoa an ṭhat zawk vang niin an tarlang. Lazio fans 30,000 chuang chuan 1914-15 season champion-a puan an nih theihna tur hian hma an la a, August 4-ah FIGC lam hian an thutlukna puan chhuah hman an inbeisei.

Lazio hian an club chan-chinah Serie A nomawi pahnih chiah an la chawi a, an nomawi chawi hnuhnung zawk chu 1999-2000 season-ah khan niin Sven-Goran Eriksson kaihhruaina hnuaiah an champion.