ATK-in Postiga an bia

Indian Super League club Atletico de Kolkata chuan Uruguay captain hlui Diego Forlan lak-luh tuma an dawrna a hlawhtlin loh hnuah season hmasaa an player lo ni tawh Portugal international Helder Postiga an bia.

Kum 33-a upa striker hian season hmasaah khan ATK tan a match hmasa berah goal hnih khung nghal mah se hliam vanga lakchhuah a ngai a, ISL-ah a inlan leh tawh lo.

ATK a chhuahsan hnu-ah Portuguese Primeira Liga club Rio Ave chu January khan a zawm a, season chawhnu lama a zawm club tan hian league match 10 inlanin goal nga a khungsak.

Portugal tan vawi 71 inlana goal 27 khung tawh striker hi Portuguese chanchinbu 'A Bola' chuan Rio Ave hian contract thar zawrh mah se India ram aṭanga hlawh tam zawka sawmtu a neih avangin an ram club dawrna hi a hnar niin an tarlang.

Hetihlai hian season hman zawh taka Indian Super League finalist FC Goa chuan Brazilian defender Lucio chu an marquee player ni turin contract thar an ziahpui.