Everton-ah Steve Walsh a lut

Leicester City assis-tant manager leh head of recruitment ni bawk Steve Walsh chuan Everton a zawm a, Merseyside club-ah hian director of football hna a chelh ang.

May thlaa Foxes tana contract thar ziak hlim Walsh chuan, "Everton hian bung thar a kai dawn nia hriatna ka nei a ni," tiin Premier League champion chhuahsana Everton a zawm chhan a sawi.

Chelsea scout din-hmun pawh lo chelh tawh Walsh hi Foxes-a Riyad Mahrez, Jamie Vardy leh N'Golo Kante laluttu a ni a, Blues-a a awmlai khan Gianfranco Zola leh Didier Drogba te laluttu a ni bawk.

Toffees (Everton sawi--na) manager Ronald Koeman chuan, "Steve-te ang tawnhriat ngah tawh, a hnathawh tawhnaa a ṭhat zia lo tilang fo tawhtu kan lalut thei hi chu Everton tan a lawmawm em em a ni," tiin Walsh a lo lawm.