Engpawh thleng se Pogba duhtu Mourinho a buai lo

Jose Mourinho chuan Juven-tus midfielder Paul Pogba chu Manchester United-ah laklet a tum ngei a ni tih sawiin 'mei khu chu a awm ngei a, mei alh pawh a awm' tiin thuthang satliah a nih loh thu a sawi.

Nizan khan United hian Shang-hai Stadium-ah Borussia Dortmund an hmachhawn a, inkhel result kan hre hman lo. Portuguese manager hian inkhelh hmaa thuhthar thehdarhtu a hmachhawn ṭumin ṭawngkam a thiam tih lantir lehin a thukhawchang a ngaihnawm leh pek hle.

Pogba lut lo ta se?

Paul Pogba agent Mino Raiola chuan, "Thuthang tam tak a awm a, an ziak huai hlawm hle. Tun dinhmunah erawh engmah tihchian a la awm lo," tiin July 21 khan a sawi.

Manchester United hian pound maktaduai 84 velin Juventus an dawr a, Italian champion hian dawrna hmasa hi an hnawl. Hemi hnu hian English club hian pound maktaduai 100-in an dawr leh a, Old Lady hian an pawm niin an ziak. Amaherawhchu Pogba agent sawi ang hian a dawrna hnuhnung zawk an pawm tih erawh thuthang mai a la ni rih a, kum 23-a upa French midfielder hian English club hi a zawm a rinawm rualin hlawhchham ta pawh ni se Mourinho a buai lo.

Red Devils manager Jose Mou-rinho chuan, "Mi mawl anga lantir che u ka tum lo, mah se player pakhat chauh ringawt kan melh lo. Player pali lak kan tum zinga pathum kan la tawh a, palina hi kan la ngei dawn. In sawi luih luih hi ka la ta lo a nih pawhin mak ti lutuk suh u, pahnih dang hmachhawp kan nei a, kan hlah lo ang," tiin Pogba ringawta an innghah loh thu a sawi.

Khawthlang media-te chuan United hian Pogba baka mid-fielder dang pahnih an en-thlak hi Euro 2016-a Juventus midfielder kawp-pui Blaise Matuidi leh Chelsea midfielder Nemanja Matic te niin an tarlang.

Chungnung a har dawn

Sir Alex Ferguson-a'n kum 2013-a United a chhuahsan hnuah season liam ta khan nomawi an chawi leh chauh a, mah se FA Cup-a champion puitu coach Louis van Gaal-a'n a hna a chan. Scottish manager Ferguson khan kum 26 chhungin Premier League title 13, FA Cup panga leh Champions League nomawi pahnih a chawi a, Portuguese manager chuan tluk phak a har dawn tih a sawi.

Mourinho chuan, "Kum 20 liam taa United nomawi chawi zat kha kum 20 awm leh turah hian lak leh theihah ka ngai lo. Premier League nasa takin a ṭhang a, team hian inrintawkna an neih leh theih nan theihtawp chhuah ka tum nachungin thil awm dan tak tak hi kan hriatthiam tlan a
ṭul a ni. Premier League club-te hi kum 10 emaw 20 emaw liam ta ai khan inelna a nasa tawh zawk," tiin a chung bera awm reng a harsat tur thu a sawi.

Rooney a ringtawk

Portuguese manager hian Chelsea a enkawl laiin kum 2013 khan Wayne Rooney lak tumin vawi hnih Manchester United hi a lo dawr tawh a, England captain hian tun hnaiah sawisel hlawh mah se Mourinho hian a la ring reng.

Mourinho chuan, "Rooney chung-changa zawhna tam lutuk hi mak ka ti zawk. Club captain a ni a, manager-in captain atana ka duh ber a ni a, chutiang bawkin player-te'n captain atana an duh ber a ni. Kei chuan ka ring em em a, ka tan pla-yer pawimawh tak a ni ang. Chu-vangin a hmalam hun atan buai-na tur a nei lo," tiin Rooney tana chanchin hriat nuam tak a sawi.

Mata tan hmun a awm

Kum 2014 khan Juan Mata-a'n Chelsea aṭangin pound maktaduai 37.1-in Manchester United a zawm a, hemi hunlaia Blues manager hi Mourinho a ni. Hei vang hian Spanish midfielder hi Mourinho-a'n United a zawm rualin a dinhmun a chiang loah ngaih nghal a ni.

Mourinho chuan, "Mata tan ka team-ah hmun a awm a, khelhna hmun a sual chhuah ve a ṭul ang. A hmasa berah chuan hun kal tawha thil awm dan inhre sual a ni. Mata kha chhuak turin ka hrilh lo a, club hotute hnenah hralh turin ka nawr lo bawk. Thutlukna siamtu chu Mata a ni a, ama duhthu ngeia United zawm a ni. Kei chuan player chhuak duh kawl hi ka duh ngai lo a, club danga khelh duh player chu mangṭha mai hi ka tihdan a ni," tiin Mata nena buaina a neih loh thu a sawi.

Portuguese manager hian Mata chu a hlim nia a hriat thu a sawi a, chhuah a dil a rin loh thu a sawi tel bawk.