Barca kawr ha tur Andre Gomes

European Cham-pion-ship-a Portugal champion puitu midfiel-der André Gomes chuan Valencia aṭangin Bar-celona a zawm dawn a, Catalan club hian kum 22-a upa midfielder lalut tur hian pound mak-taduai 41.7 (€50m) bawr velin inremna an nei tawh.

Spanish champion Barcelona hian Gomes hi contract an la ziah fel pui lo a, karleh lamah official-a phochhuahna a nei ang. Portuguese midfielder hma hian Catalan club hian Galician (Spain hmar thlang lama cheng sawina) midfielder Denis Suárez bakah French defender pahnih Samuel Umtiti leh Lucas Digne te an lalut tawh. Season thara atana Barca sum hman tawh zat hi pound maktaduai 80 bawr vel a tling der tawh.

Hetihlai hian Bar-celona hian Alex Song, Dani Alves leh Sandro Ramírez te man nei loin an chhuah a, Borussia Dortmund-in Marc Bar-tra (£ 6.67m) an lei chhuah bakah Croatian midfielder kum 20 chauha upa Alen Halilovic-a'n (£ 4.16 m) Bundesliga club Hamburg a zawm bawk.

Tu nge Gomes?

Kum 22-a upa Gomes hi a naupan laiin Porto leh Benfica-ah a inzir ve ve a, Portuguese club Benfica-ah senior team tan season hnih chhung khel hman mah se a kum a la naupan deuh avangin player pawimawh a ni lo. 2014-15 season-ah Gomes hian loan-in Valen-cia a pan a, league match vawi 33 lai khelin Spanish club hian an chelh zui a, season liam ta khan league match 30 a khel leh bawk. Inelna hrang hrangah kum hnih chhung lekin Gomes-a'n Valencia tan hian vawi 75 zet a inlan a, goal riat a khung.

Feet ruk leh inches hniha sang midfielder hi ke dinglama pet a ni a, nuam sa takin ke vei lamin a pet thei bawk. Player sang ṭha tak a nih rualin ball thiam tak a nih avangin Barca-a khelhna chang pha turin theihna a nei a, Andres Iniesta-a'n kum 32 a tlin chhoh tak avangin Catalan club-in sum tam tham taka an lalut hi a mak lo.

Barca an chuh chak

Juventus-in an mid-fielder pawimawh Paul Pogba an chan hmel avangin French midfielder thlak nan Gomes hi an ngaihven a, Barcelona-in an lak hmaa lalut tura dinhmun ṭha ber chu Real Madrid an ni bawk.

Los Blancos hian kum 22-a upa midfielder lak nan chuan Valencia chhiar zat hi a tam deuhah an ngai a, pawisa bakah Nacho, Kovacic, Asensio leh Jesé te loan-a pek tumin dawr mah se an che muang hret. Real-in an hmelma an ngam lo a, sum theh chhuak huai ngam Barcelona-in André Gomes an chang.