Ka nun min tihchhiat sak - Shubenkov

Russian athlete Sergey Shubenkov chuan tumah rengin infiamna khawvela a nun an ngaihtuahpui loa a hriat thu leh an tihchhiatsak nia a hriat thu a sawi chhuak.

International Asso-cia-tion of Athletics Fede-rations (IAAF)-in Russian athlete-te Olympic-a tel thei lo tura an hremna chu Russian Olympic Committee (ROC) leh athlete 68 ten infiamna lama thubuai ngaihtuahtu sang ber Court of Arbitra-tion for Sport (CAS) hnenah khing let mah se an hlawhlting lo.

2015 Beijing World Championship 110m hurdles champion lai Shubenkov chuan, "Tumahin ka nun an ti chhia tih an ngaihtuah lo," tiin nghakhlel taka a lo thlir Rio Olympic-a a inlan thei dawn lo tih a hriat hnuah a sawi.

Kum 25-a upa chuan sawi chhunzawmin, "Damdawi hman phal loh hmangte chu hrem ngei tur an ni a, kei pawhin ka duh loh thil a ni. Infiammi thianghlim ka ni a, mahse hrem zingah ka tel ve tho," tiin mi ṭhenkhat dan bawhchhiat vanga a tisual ve lote pawhin an tuar vek chu a ngaihthiam loh thu a sawi. Shubenkov hian Rio Olympic-ah 'neutral athlete' anga tel tura dilna a theh lut tawh a, mahse hei pawh hi hnawl sak a nih thu a sawi tel bawk.