AFC Academy ngamtu Tuidam

MFA Super Cup second round-ah football mawina a lang a, nimina RG Stadium-a inkhelah Tuidam FC-in anmahni aia team
ṭha zawka ngaih leh mumal zawka practice Ai-zawl FC Academy chu inelna aṭangin an pet chhuak. Mizoram Police erawh Kawnpui Venglai GSA tan an ṭha lutuk hret thung.

An kal zel

Tuidam FC-in an match hamsa berah Model FC chu Lalnunpuia, Hualthansanga leh Ramluahkima te goal hmangin 3-0 in an hneh a, Aizawl FC Academy an hmachhawn ṭumin goal khung tawh lo mah se goal an chhuah lo. Aizawl khaw pawn club Tuidam FC-in Aizawl DFA hnuaia team ṭha zinga mi Aizawl FC Aca-demy chu penalty shoot-out-ah 4-3 in an hneh.

Police an vul

Mizoram Premier League aṭanga an relegate hnuah Mizoram Police an thawkrim a, player ṭha an kawl bawk avangin an match hmasa berah a rah duhawm tak a lang nghal. Police tan hian F. Lalrinpuia leh Lal-fakawma ten goal hnih ve ve an khung bakah Lal-sangbera, Lalfakzuala, Lalbiakhlua leh TC Vanlalhruaia ten goal khat ṭheuh an khung bawk.

Police an chak chian avang hian an khingpui Kawnpui Venglai GSA hi dahniam nghawt a thiang lo a, Lunglei Venghnuai 5-1 zeta sawptu hi team naran an ni lo ang.