Ronaldo hming chawiin airport

Portugal-a khualzin hiptu lar tak thliarkar Madeira sorkar chuan an khaw thlawhtheihna ṭum hmun Madeira airport chu Euro-a Cristiano Ronaldo leh Portugal hlawhtlinna hriatreng nan 'Cristiano Ronaldo Airport' tiin a hming an thlak.

Madeira president Miguel Albuquerque chuan Ronaldo hminga an thlawhtheihna ṭum hmun hming an thlak thu hi a puang a ni. Kum 31-a upa winger hi Madeira khawpui ber leh a pianna ni bawk Funchal-ah bronze hmanga siam a lim din a lo ni tawh a, a hming chawiin museum leh hotel a nei bawk.