Dortmund lakah United mualpho

Borussia Dortmund chuan Manchester United chu Zirtawpni zan khan Shanghai Stadium-ah 4-1 in an sawp a, Jose Mourinho hoten Thomas Tuchel-a naute an ngam lo hle.

Dortmund midfielder Gonzalo Castro-a'n goal hmahruai a khung hnuah mawi takin a tawp a rawn khar leh a, goal mawi ber erawh Ousmane Dembélé khung a ni. Kum 19-a upa French midfielder hian Marcos Rojo chiang taka a bum hnuah 'cool' takin a pet lut a, Rennes aṭanga Dortmund zawmtu hi la naupang mah se Thomas Tuchel-a game plan-ah a awm ngei a rinawm.

Manchester United player thar Henrikh Mkhitaryan chuan a club hlui lamah Juan Mata thawhrah sengin goal ruakah a khung a, Armenia captain-in goal a khung meuh chuan English club-in goal thum an chhuah tawh avangin thawhchhuah ngaihna a awm tawh lo.

United manager Jose Mourinho chuan, "Formula 1 leh Formula 3 inhmachhawn ang mai a ni a, keini aia an hriam zawk daih tawh avangin thil awm dan sawi thiam a har. Kan khingpui chuan match li an lo khel tawh a, thla khat chuang training an nei tawh a ni," tiin Dortmund chu inkhel bikah an chungnung zawk tih a pawm nachungin team ṭha zawk an ni tih a pawm lo.

Inkhel te chu

Manchester United (4-2-3-1): Johnstone (Romero 46'); Valencia (A. Pereira 74'), Bailly, Jones (Rojo 46'), Shaw; Blind (McNair 65'), Herrera; Mata, Mkhitaryan (Januzaj 65'), Lingard (Young 46'); Depay (Rashford 46')

Inlan ve lo : Tuanzebe, Keane.

Borussia Dortmund (4-2-3-1): Weiden-feller; Passlack (Larsen 46'), Sokratis (Bartra 61'), Bender (Merino 61'), Schmelzer (Burnic 63'); Castro (Leitner 85'), Rode (Sahin 63'); Dembele, Ramos (Mor 62'), Kagawa (Hober 64'); Aubameyang
(Pulisic 64')

Inlan ve lo : Burki, Bonmann