Mo Farah a chungnung zel

Inrinni zan khan London-ah Anniversary Games neih chhunzawm zel a ni a, 5,000m intlan-siakah Mo Farah chu pakhatna a ni.

British distance runner Farah hian Rio Olympic inbuat-saihna hnuhnung berah hian 5,000m tlan thleng turin minute 12 leh second 59.29 chiah a mamawh a, pahnihna An-drew Butchart aiin second 15 laiin a fal zawk a ni.

2012 London Olym-pic-a 5,000m leh 10,000m gold medal dawngtu chuan, "Helai hmuna intlansiak hi nuam ka ti em em a, kuminah 5,000m intlansiak ka vawi khatna a nih bakah ṭha taka ka tlan theih avangin a nuam ka tiin ka lawm hle. Tunah chuan beiseina sang tak nen Rio lam kan hawi chhunzawm thei ang," tiin a sawi.

Record thar

American nula Keni Harri-son chuan kum 28 chhung zet world record lo ni tawh a rawn khum ta. Kum 23-a upa Harrison hian hmeichhe 100m hurdles chu second 12.20 chhunga tlan thlengin world record thar a rawn siam.

Kum 1988 khan Bulgaria star Yordanka Donkova chuan 100m hurdles chu second 12.21 chhunga tlan thlengin he a record hi rei tak chhung chu khum theih loh ang hiala ngaih ni mah se Harrison hian a khum.