Bruce-a'n Hull City a chhuahsan

England manager tura biak a nih hnuah Sam Allardyce tluk zo ta lo mah se, Hull City manager Steve Bruce chuan Premier League-a a kaipui hlim club hi a chhuahsan ta tho.

Kum 55-a upa manager hi Hull vice-chairman Ehab Allam nen an inhmuhthiam lo a, KC Stadium-a cham zel chhan tur nei tawh loah a inngai a ni.

Hull City hi an talbuai hle, club hi hralh an tum. Club hralh chungchang hi September-ah sawi leh tura ruahmanna an neih thu an sawi a, club dinhmun chiang lo reng hi Bruce hian a duh lo nia sawi a ni bawk.

Bruce hian Sheffield United, Huddersfield Town, Wigan Athletic leh Crystal Palace a enkawl hnuin Birmingham City-ah a hming a chher \an a, kum ruk a enkawl chhungin Blues (Birmingham sawi­na) hi Premier League-ah vawi hnih a kaipui.

Hull City-ah kum li hun a hman chhungin Premier League-ah vawi hnih a kaipui a, a vawi khat nan 2013-14 khan Hull hi FA Cup-ah final a luhpui a, final an luh avang hian Europa League inhlangkaiin Hull tan Europe-a an inlan vawi khatna a ni.