RG Stadium-ah MFA Super Cup

MFA Super Cup second round chu vawiin hian RG Stadium-ah khelh chhunzawm a ni dawn.

Chawhma dar 11:00-ah Hming Hming FC, Zemabawk leh Electric FC te an inkhel ang a, a chak zawk hian team ṭha Mizoram Police an hmachhawn dawn.

Chawhnu dar 1:00-ah Zokings Ramhlun ‘N’ leh Keifang FC te an inkhel bawk ang. A chak zawk hi Aizawl FC Academy barakhaihtu Tuidam FC nen third round-ah an inkhel leh ang.

MFA Super Cup-ah goal 115 a lut tawh a, Zirtawpni tlai aṭang khan second round khelh ṭan niin August 1, Thawhṭannni-ah khelh zawh a ni ang. Third Round hi August 4-ah khelh a ni dawn a, hemi round paltlang te hian Round of 16-ah MPL club an hmachhawn dawn.