Tlai dar 2:45-ah BVT Vs Dinthar
Football ngaina veng pahnih Bethlehem Vengthlang FC leh Din-thar FC te vawiin tlai dar 2:45 hian Lammualah an inhmachhawn dawn. BVT hian I Day Football hnuhnung berah final an lut a, Dinthar FC hi 2014 champion an ni thung.
Dinthar FC coach Lalchhuanawma (LCha) chuan, "Eng team pawh hmachhawn ila, kei ni chuan kan chung en vek a ngai. Chutirhrualin kan practice rei tawh avangin kan fitness a ṭha a, kan
ṭangrual a, I Day Football hmachhawn turin kan inpeih tawh," tiin a sawi.
MPL-a champion hmasa ber Dinthar FC hian MPL4-ah semifinal an thleng pha lo a, an budget a lian lo. Amaherawhchu LCh-a kaihhruaina hnuai-ah Dinthar FC hi dah hniam chi an ni lo a, tlar hmaah phei chuan Samuel Laltlanthanga leh R. Lallawmkima te an la kawl bakah Aizawl FC aṭangin Michael Lalremruata leh DSK Shivajians Academy
aṭangin Lalruatpuia te an lalut bawk.
Bethlehem Veng-thlang FC-in veng inelnaa Armed Veng hlawhtlinpuitu Lalbiak-sanga Colney (BS-a) chu coach atan an lalut a, a hunlaia midfielder ṭha ber zinga mi BS-a hnuaiah BVT in ngaih awh chhoh an tum leh mek. MPL4-ah BVT thawm a lian a, sum sen pawh a ṭhahnem - tun ṭumah erawh budget a tlem zawk avangin coach thar hna hi a awlsam dawn lo.
BVT coach Bsa chuan, "Club football chu veng inelna nen chuan a danglam dawn a, chu ti chung chuan ka huphurh hran lo. Bethlehem Vengthlang mipuiin ṭha takin min
ṭawiawm ang a, kan match hmasa berah hian kan chak theih ka ring," tiin a inringtawk hle.
FIXTURES
Vawiin Inkhel Tur
12:00 PM Aizawl FC Vs Chanmari FC
02:45 PM Bethlehem VT FC Vs Dinthar FC
July 26, Tuesday
12:00 PM Chhinga Veng FC Vs Chanmari West FC
02:45 PM Zo United FC Vs Ramhlun North FC
July 29, Friday
12:00 PM Shillong Lajong FC Vs Bethlehem VT FC
02:45 PM AIFF Under 19 Vs Aizawl FC
July 30, Saturday
12:00 PM Dinthar FC Vs Zo United FC
02:45 PM Chanmari FC Vs Chhinga Veng FC
August 2, Tuesday
12:00 PM Chanmari West FC Vs AIFF Under 19
02:45 PM Ramhlun North FC Vs Shillong Lajong FC
August 4, Thursday
12:00 PM Aizawl FC FC Vs Chhinga Veng FC
02:45 PM Bethlehem VT Vs Zo United FC
August 5, Friday
12:00 PM Chanmari FC Vs Chanmari West FC
02:45 PM Dinthar FC Vs Ramhlun North FC
August 6, Saturday
12:00 PM Zo United FC Vs Shillong Lajong FC
02:45 PM Chhinga Veng FC Vs AIFF Under 19
August 8, Monday
12:00 PM Ramhlun North FC Vs Bethlehem VT FC
02:45 PM Chanmari West FC Vs Aizawl FC FC
August 9, Tuesday
12:00 PM Shillong Lajong FC Vs Dinthar FC
02:45 PM AIFF Under 19 Vs Chanmari FC
Semifinals - August 12, Friday
Winner of Group A Vs Runner Up Group B
Winner of Group B Vs Runnder Up Group A
Final -August 15, Monday